Foto-vinnarar
Innhold
Randaberg kommune deltok i år for første gong i Europeisk mobilitetsuke, saman med 33 andre norske og meir enn 2 400 europeiske kommunar. Hovudtemaet under mobilitetsveka har vore miljøvennleg, smart og felles transport, enten ved at du å går, syklar eller reiser kollektivt. |
![]() |
Tre generasjonar på Vistnestunet. Foto: Unni Larsen. Bileta under er ein skjermdump frå Instagram, emnetaggen #mobilitetsukenirandaberg. |
![]() |
Vinnar av konkurransen var Unni Larsen, som hadde tatt bilete av tre generasjonar på tur til Vistnestunet musemsgard. (Du kan sjå biletet i ramma til høgre).
- Kommunen sin fotokonkurranse på Instagram varte frå 8. til 27. september, og vi fekk inn meir enn 50 bilete. Deltakarane i konkurransen tok eit bilete av seg sjølv når dei enten sykla, gjekk eller tok bussen i Randaberg, og deretter la dei biletet ut på Instagram under emnetaggen #mobilitetsukenirandaberg, seier Kristin Sinnes, avdelingsleiar i Teknisk drift.
Vinnarane i konkurransen vart tilfeldig plukka ut av ein jury.
Her er vinnarane:
- Førstepremie: Unni Larsen, vinnar av el-sykkel levert av Sport 1-butikken i Randaberg. Biletet i konkurransen er tatt på Vistnestunet, der tre generasjonar er på tur.
- Andrepremie: Hilde Westersjø, vinnar av GoPro-kamera. Biletet i konkurransen er frå ein vakker soloppgang på Grødem, på sykkelen på veg til jobb. Hilde Westersjø skriv: «Tenk om folk flest hadde vore klar over alt det fantastiske som vi som syklar til jobb får med oss på vegen. På dette bilete ein vakker soloppgang på Grødem».
- Tredjepremie: Kjetil Bø, vinnar av gåvekort frå Sport 1-butikken i Randaberg. Biletet er frå ein av Kjetil Bø sine bussturar.
- "Trøystepremier": Til Hilde Aksland, Kathrine Harestad og Marianne K Bjørkelund.
Vi gratulerer alle vinnarane!
PS: Premiane vart delt ut til vinnarane av ordførar Kristine Enger under Haustmarken.
Fant du det du lette etter?
Hva forsøkte du å finne?