Årets Sjumilsstegs-kommune
Innhold
Les meir om.... |
![]() |
I Randaberg kan ungdom seie meiningane sine - og dei blir høyrd. Her frå Ungdomskonferansene i mai 2017. |
I satsinga "Sjumilssteget for god oppvekst i Rogaland" er 15 kommuner med, i tillegg til Rogaland fylkeskommune.
- Dette prosjektet handlar om å konkretisere artiklane i barnekonvensjonen, og sikre at barn sine rettar blir løfta opp i alt arbeid i kommunen. Sjumilssteget er også ei nasjonal satsing, men fylka arbeider ulikt, seier Anita Olufsen, rådgjevar og prosjektleiar for "Sjumilssteget for god oppvekst i Rogaland" hjå Fylkesmannen i Rogaland.
Barnekonvensjonen blir synleggjort
- Randaberg har utmerkt seg med fleire tiltak på ulike nivå, også på overordna plannivå – der Barnekonvensjonen er løfta og verkeleggjort. Spesielt er artikkel 12, om barn sin rett til å seie meininga si, blitt synleggjort, seier Anita Olufsen.
- Gjennom nettsida dykkar, og via filmar og artikler, har fylkesmannen fått eit godt innblikk i arbeidet som blir gjort i Randaberg. Og dette arbeidet har vore til stor inspirasjon for andre Sjumilsstegs-kommunar.
- Til inspirasjon og motivasjon
Det er andre gong fylkesmannen har peika ut årets kommune i dette prosjektet. I fjor var det Gjesdal sin tur. Som årets Sjumilsstegs-kommune, delte nyleg Randaberg av sine erfaringer på den årlege Oppvekstkonferansen.
- Arbeidet i Randaberg i sjumilsstegssatsinga er til inspirasjon og motivasjon for andre. Kommunen konkretiserer arbeidet med barnekonvensjonen på ein god måte, og det er viktig for oss å få løfta fram desse gode døma, avsluttar Anita Olufsen.
Fant du det du lette etter?
Hva forsøkte du å finne?