Breidt samarbeid om demensavtalen
Innhold
![]() |
Arbeidsgruppa for eit meir demensvennleg samfunn i Randaberg, f.v. Reidun Sirevaag, eldrerådet og Randaberg Helselag, Svein Sørnes, Landsbyforeningen, Gudrun Moe, demensforeningen, Silje Rettedal, ergoterapeut i Randaberg kommune, Elisabeth Sortland Sande, fagsjef i Helse og oppvekst, Ole Bernt Lenning, kommuneoverlege i Randaberg kommune. Ikkje til stades: Camilla Svela og Anne Grødem, begge frå Randaberg kommune. |
![]() |
Elisabeth Moe, leiar for arbeidsgruppa. |
Under pressetreffet på kommunehuset i Randaberg deltok også, i tillegg til ordførar og dagleg leiar i nasjonalforeininga, Elisabeth Moe, som er leiar for arbeidsgruppa i Randaberg kommune, og Svein Sørnes, leiar i Randaberg Landsbyforening AS.
- Det er saman vi kan lukkast, sa ordførar Kristine Enger om det breide samarbeidet som er satt igang i kommunen for å sikre eit enklare tilvære for demenssjuke.
Samarbeidet mellom nasjonalforeininga og kommunen skal gje hjelp til å tilrettelegge lokalmiljøet, slik at personar med demens lettare kan delta i vanlege kvardagsaktivitetar.
Randaberg var kommune nr. 34 som gjorde avtale om ein slik avtale med Nasjonalforeningen for folkehelse.
- Vil ikkje løyse alt
- Tiltaket med eit demensvennleg samfunn vil nok ikkje løyse alle problem knytta til det å leve med demens, men det kan vere eit bidrag som gjer det litt lettare for den enkelte å vere ein del av lokalsamfunnet, sa Olaug Kvalstad frå nasjonalforeininga.
- Målet er å møte personar med demens med forståing og respekt, akkurat som vi møter andre personar, sa Elisabeth Moe, leiar for arbeidsgruppa i Randaberg kommune.
Kva skal dykk starte med?
- Vi skal starte med å gje kunnskap. Vi startar med gruppevis opplæring for butikkeigarar og deira tilsette, deretter opplæring for tilsette i biblioteket, på NAV og servicetorget i Randaberg kommune. Vi ser for oss å bruke eigne tilsette i opplæringa, sjølv om vi ikkje har alle detaljane klart for oss her og nå, sa Elisabeth Moe.
- Vi skal bry oss om kvarandre
- Min grunntanke er at vi skal bry oss om kvarandre. Og kva kan næringa gjere med dette, spurte Svein Sørnes, leiar for Randaberg Landsbyforeining AS.
- Vi må klare å skape ein levande landsby, ein landsby der samhandling og samarbeid er berebjelkane. Dette skal ligge i ryggmargen, og då må vi jobbe med å skape endring og å ha dei rette haldningane til dei gode tinga.
- Eit demensvennleg samfunn er ein av desse gode tinga, sa Svein Sørnes.
Fant du det du lette etter?
Hva forsøkte du å finne?