Open gard

Førstkomande søndag er Vistnestunet besøksgard open for alle som vil. Det er gratis inngang. Kafeen opnar allereie kl. 9,  og her blir det servert lapper, kaffe, saft og kakao.

- Det er lagt opp til ulikt program førstkomande søndag. Kl. 13 er det fôring av dyra - vi har villsau, høner og kaniner - og turer med hest og kjerre er det kl. 12 - 15. Vi legg fram stylter, kubb og hoppetau, og i tillegg kan du hoppe i høyet på låven, opplyser formidlar og kulturkonsulent Reidun Irene Bjordal i Randaberg kommune.

Denne augustsøndagen er Vistnestunet også startstad for den første "Vistemarsjen", arrangert av Sandnes Tur & Trim (STT) og Norges turmarsjforbund (NTF), i samarbeid med Vistnestunet og Randaberg kommune. Marsjen starter kl. 9-11 frå Vistnestunet.

Her finn du meir informasjon om NTF og Vistemarsjen.

- Eg ynskjer alle hjarteleg velkomen til ein flott søndag på Vistnestunet. Det er meldt godt vêr, avsluttar Reidun Irene Bjordal.