Beredskapsanalyse

Sidan det i dag ikkje finnast krav til beredskapsanalyser for vegtunnelar, har vegvesenet laga rapporten på bakgrunn av analyser utført for jernbanetunnelar. Les heile rapporten her.

Det er i dag ikkje formelle krav til at det skal gjennomførast beredskapsanalyser i plan, prosjektering eller byggefasen for nye vegtunnelar. Statens vegvesen gjennomfører difor denne beredskapsanalysen etter ynskje frå naudetatane.

Statens vegvesen tilrår i analysen at brannberedskapen bør styrkas ved at alle næraste brannvesen blir gjort i stand til å handtere ein større brann, samstundes med at det blir etablert ein «first responder»-teneste som kan yte bistand ved motorhavari/bilstans, samt yte førstehjelp og førsteinnsats ved bilbrannar.

Formålet med beredskapsanalysen i E39 Rogfast er å:

• Sørge for at uønska hendingar ikkje utvikler seg - utover den opprinnelege hendinga.
• Sørge for at trafikken gjennom tunnelen blir normalisert snøggast mogeleg.
• Tilrettelegge for tekniske beredskapstiltak i Rogfast for å kunne gjennomføre sikker evakuering til sikker stad.
• Legge til rette for rask og effektiv innsats frå redningsetatane inn i tunnelen.
• Gje innspel til dimensjonering av rett beredskap for driftsfasen av Rogfast.